Alex Muyoboke umujyanama w’umuhanzikazi Allioni Buzindi yatangaje ko yatunguwe no kubona #10yearschallenge yatangije, yafashe indi ntera ku mbuga nkoranyambaga zikoreshwa na benshi muri iki kinyejana gishya, ubu ikaba imaze kugera mu byamamare ku isi.
Muyoboke avuga ko hashize iminsi itatu ahuje amafoto ye agaragaza impinduka mu myaka icumi, ngo ni ibintu yatangiye yikinira ariko byageze ku Isi yose. Yatangarije INYARWANDA ko hashize iminsi itatu ashyize kuri konti ya instagram, ifoto ebyeri imwe yo muri 2009 ayihuza n’iyo muri 2019, atekereza ku rugendo rw’ubuzima yanyuzemo.
Yavuze ko ibi yahise abiganiriza Eddy Kenzo akamubaza uko nawe yiyumva nyuma y’uko abakeba basabaniye mu gitaramo aherutse gukora. Yagize ati “Nayishyize kuri instagram yanjye mu minsi itatu ishize, ariko nabonye ahantu hose yahageze. Narimo nganira n’umuntu witwa Eddy Kenzo anyereka twibukiranya ahantu avuye.
Ejo bundi yakoze igitaramo cy’amateka ngira ngo
mwarabibonye hari harimo na Bebe Cool na Bobi Wine nyuma y’imyaka 20
bataramukanya barahoberanya, bararamubanya.
Yungamo ati “Urumva ni ibintu nakoze mbitekerejeho,
nibaza ibintu umuntu aba aciyemo aho ugeze. Nta muntu wigeze ubishyiraho mbere
yanjye, Eddy Kenzo yahise abifata abishyira kuri status ze byashoboka ko abantu
bahise babibona bakabitangira kuko na mbere hari ifoto ya Eddy Kenzo nari
namukoreye,”
Alex Muyoboke uvuga ko ari we watangije #10yearschallenge
Imbuga nkoranyambaga ziri kwifashishwa n’ibyamamare mu gusakaza amafoto n’amashusho yabo ahishuye amasura yabo mu myaka icumi, ni uguhera 2009-2019. Hari benshi ubona ko batahindutse, hari n’abandi bigaragara amaso y’uko Imana yakoze ibikomeye ku buzima bwabo.
Mu cyiswe #10yearschallenge ibyamamare bihuza amafoto abiri, imwe igaragaza uko bari bameze mu 2009 ndetse n’uko ubu bameze muri 2019. Ni amafoto atanga ishusho y’uko ‘ntaho Imana itakura umuntu’, benshi mu byamamare bashima byimazeyo Imana yabarinze muri iyi myaka icumi ishize.
Eng
RSS 
TANGA IGITECYEREZO