Ikipe ya Al-Merrikh yo muri Sudani yamaze kohereza ikirego mu Impuzamashyirahamwe y’umupira w’amaguru muri Afurika ‘CAF’ nyuma yo kubwirwa ko abakinnyi bayo umunani basanzwemo COVID-19 mbere y’isaha imwe ngo umukino bafitanye na Simba SC utangire.
Ku gicamunsi cyo kuri uyu wa Kabiri tariki ya 16 Werurwe 2021, ku kibuga Uwanja wa Mkapa, Simba SC yakiriye Al-Merrikh mu mukino wa kane wo mu itsinda muri CAF Champions League.
Bitunguranye mu gihe amakipe yombi yiteguraga kujya mu kibuga, Al-Merrikh yabwiwe ko abakinnyi bayo umunani basanzwemo COVID-19 batemerewe kugaragara mu mukino, ntibanyurwa bahitamo kwandikira CAF barega Simba bayishinja amanyanga.
Abakinnyi umunani basanzwemo COVID-19, barimo Abdel-Rahman Karango, Al-Taj Ya`qub, Bakhit Khamis, Ramadan Wonder, Tony, Bakri Al-Madina, Saif Al-Damazin, Imad Abdel-Moneim.
Iyi kipe yo muri Sudani yari yitwaje umubare munini w’abakinnyi, yinjiye mu kibuga idafite abakinnyi bayo umunani isanzwe ikoresha, ndetse bamwe bakaba bemeza ko bigoye kuvana intsinzi muri Tanzania.
Simba iyoboye itsinda A n'amanota 7 nyuma yo gutsinda imikino 2 ibanza harimo uwo batsinze As Vita Club na Al Ahly yo mu Misiri, ndetse ikananganya na Al-Merrikh muri Sudani mu mukino ubanza, mu gihe Al-Merrikh iri ku mwanya wa nyuma n’inota rimwe gusa.
Eng
RSS 
Abakinnyi umunani ba Al -Merrikh basanzwemo COVID-19 habura isaha imwe ngo bakine na Simba SC
TANGA IGITECYEREZO