Coronavirus: Igihugu cy’u Bufaransa cyongereye umushahara w'abaganga

Muri iyi minsi Isi muri rusange yoretswe n’icyorezo cya Coranavirus ndetse benshi utuzi bakoraga twarahagaze ariko ku ruhande rw’abaganga babaye bacye ku buryo ibihugu byinshi byatangiye kureba ukuntu byazongera abantu muri uyu mu mwuga.

Nyuma yo kubona imvune abagaga bo mu Bufaransa babonye amasezerano akubiyemo iyongera ry’umushara akaba yashyizweho umukono ejo ku wa Mbere hagati ya leta n'amashyirahamwe y'abakozi.

Iki kimezo cyemejwe nyuma y'uko hari hashize ibyumweru birindwi harabuze ubwumvikane mu biganiro byahuzaga impande zombi.

Muri iki gihe cy'icyorezo cya Covid-19, abaganga bagiye bahabwa icyubahiro bafatwa nk'intwari, hakunze kugaragara ibyapa mu ruhame byo kubashimira hirya no hino ku Isi.

Ariko bashakaga ikirenze ku bashimira mu magambo gusa, bakaba bari bamaze igihe mu myigaragambyo basaba kongererwa imishahara ndetse ko n'ibitaro byarushaho guterwa inkunga.

Aba ni bamwe mu baganga bigeze kwigarambya basaba kongererwa umushahara 

Bamwe mu bigaragambya baciwe amande kubera kurenga mu mategeko yo guhana intera hagati y'umuntu n'undi, mu kwirinda ubwandu bwa coronavirus. Ubufaransa ni kimwe mu bihugu byashegeshwe bikomeye na coronavirus ku mugabane w'Uburayi.

Kuva iki cyorezo cyatangira, mu Bufaransa hamaze kwandura abarenga 200,000, muri bo abarenga 30,000 imaze kubica nkuko imibare ya Kaminuza ya Johns Hopkins ibigaragaza.

Ese aya masezerano yo kongezwa umushahara akubiyemo iki?

Minisitiri w'ubuzima "Olivier Veran" na Minisitiri w'intebe "Jean Castex" 

Ubu leta yagiranye amasezerano n'abaganga azatuma muri rusange umushahara wa buri muganga wiyongeraho ama-euro 183 (arenga 183,000 mu mafaranga y'u Rwanda) ku kwezi. Ayo masezerano yashyizweho umukono na menshi mu mashyirahamwe ahagarariye abaganga.

Minisitiri w'intebe Jean Castex yavuze ko ayo masezerano "yanditse amateka mu rwego rwacu rw'ubuvuzi". Mu muhango wo kuyashyiraho umukono, yagize ati: "Iri ni ishimwe rya mbere muri yose ku bamaze igihe mu b'imbere mu rugamba rwo kurwanya iki cyorezo".

Yunzemo ati "Ni n'uburyo bwo kuvamo umwenda kuko buri wese - wenda nanjye ndimo - abifitemo uruhare".

Ahanini muri iri yongerwa ry’umushahara rireba imishahara y'abaforomo, abakora mu bikorwa byo kwita ku barwayi n'abandi bakozi bo kwa muganga batavura.

Amwe kuri iyo nyongera ku mushahara - arenga gato miliyoni 450 z'ama-euro - yagenewe gusa abaganga bakora mu bitaro bya leta.

Uko kongera umushahara w'abaganga kwabaye ejo, mbere y'uyu munsi wa tariki ya 14 y'ukwa karindwi w'ikiruhuko wibukwaho impinduramatwara mu Bufaransa.

Uyu munsi harashimwa uruhare rw'abaganga mu kurwanya icyorezo cya coronavirus.

Hateganyijwe no kuba ibindi birori biciriritse - bitandukanye n'uko ubundi byajyaga bigenda - kuri uyu munsi, kubera ko hagikurikizwa ingamba zo kwirinda Covid-19.

Mu murwa mukuru Paris, mu gace kitwa Place de la Concorde, hateganyijwe akarasisi. Abaganga n'abandi bakora kwa muganga bose hamwe barenga 1,400 baritabira kureba ako karasisi nk'abashyitsi b'imena

Src:bbc