Ahabanza Imyidagaduro

Davido yatunguranye ahamagara Jay Polly ku rubyiniro mu gitaramo yakoreye i Kigali-AMAFOTO+VIDEO

Yanditswe na: Emmy Nsengiyumva
Taliki:4/03/2018 7:39 3

Kuri uyu wa Gatandatu tariki 3 Werurwe 2018 umuhanzi Davido yataramiye mu Rwanda mu gitaramo cyabereye mu mujyi wa Kigali muri parikingi ya Stade Amahoro ahari imbaga y’abafana bari yaje kwihera ijisho. Muri iki gitaramo Davido yatunguranye ahamagara Jay Polly ku rubyiniro.

Mbere y’igitaramo mu kiganiro n’abanyamakuru Davido yari yatangaje ko umuhanzi wo mu Rwanda azi ari Jay Polly, ibi yanabigaragaje ubwo yaririmbaga muri iki gitaramo ageze hagati uyu muhanzi ukomeye muri Afurika yahamagaye mugenzi we Jay Polly amuha umwanya bafatanya urubyiniro indirimbo imwe Jay Polly yaririmbye.

Iki gitaramo cyavuye kure kuko ubwo cyendaga gutangira imvura nyinshi yaguye bituma igitaramo gikerererwa bikomeye icyakora nyuma yuko imvura icishije make abantu bahise bitabira igitaramo gitangira ubwo. Ni igitaramo cyagaragayemo abandi bahanzi barimo Sintex, Phionah Mbabazi, Yvan Buravan, Charly na Nina ndetse na Riderman.

Aba bose na Davido bashimishije bikomeye abakunzi b’umuziki bari aho cyane ko ari igitaramo kitabiriwe bikomeye kabone ko itike yo kwinjira itari iri hasi dore ko kwinjira muri iki gitaramo byari 5000frw, 20000frw, 50000frw.

REBA AMAFOTO:

Dj Bissoso ku rubyiniro ari mu bacurangiraga abahanziSintex ni umwe mu bahanzi babimburiye abandi ku rubyiniroPhionah Mbabazi yataramye muri iki gitaramoKid Gaju umwe mubari bitabiriye iki gitaramoYvan Buravan ni uku yinjiye ku rubyiniro yaririmbye mu buryo bwa LiveCharly na Nina ku rubyiniroRiderman ni umwe mu bashimishije abafana b'umuzikiAbafana bari benshiDavido ubwo yageraga ku rubyiniroDavido abafana bamwishimiye bikomeyeDavido yahamagaye Jay Polly ku rubyiniro amuha umwanya aririmba indirimbo imweJay Polly yishimiye Davido bikomeye yizeza abakunzi b'umuziki indirimbo bagiye gukoranaDavido yakunze kurira urubyiniroBamwe mu bahataniraga ikamba rya Miss Rwanda 2018 bari babonye akazi muri iki gitaramo