FC Barcelona yemeye ko iri mu biganiro na Xavi ushishikajwe cyane na Al Sadd

Koeman yirukanwe nyuma y'umukino yatsinzwemo 1 - 0 kwa Rayo Vallecano.

Xavi ashishikariye byuzuye akazi ke ko gutoza Al Sadd n'ubwo bivugwa ko ashobora guhabwa umwanya wo kuba umutoza wa Barcelona ubu udafite nyirawo w'igihe kirekire, nk'uko bivugwa n'iyo kipe yo muri Qatar.

Ikipe Al Sadd yanditse kuri Twitter iti: "Xavi afite amasezerano y'imyaka ibiri kandi ashishikariye byuzuye imikino y'ikipe yo mu bihe biri imbere".

Xavi ni we uhabwa amahirwe menshi yo gusimbura Koeman ndetse Laporta yagize ati: "Buri gihe navuze ko umunsi umwe [Xavi] azaba umutoza mukuru wa Barça ariko sinzi igihe bizabera".

"Dufite amakuru meza cyane kuri Xavi muri Al Sadd. Amakuru yacu yose [muri Barcelona] kuri Xavi ni meza. Dushobora kuvuga byinshi kuri Xavi, ariko sinshobora kubaha amakuru arenzeho. [Xavi] Ari mu binyamakuru byose, ariko tunafite andi mahitamo".

Mu kiganiro n'abanyamakuru ku wa gatanu, Laporta yabajijwe niba ataratinze cyane mu gufata icyemezo kuri ejo hazaza ha Koeman muri iyo kipe.

Yagize ati: "Byashoboka, yego".

"Nsubije amaso inyuma biroroshye gusesengura, twumvaga ko Koeman akwiye kugirirwa icyizere abakinnyi bavunitse bagakira kandi bwari uburyo bwo gushyigikira umutoza.

"Narebye kuri bimwe na bimwe byiza. Birashoboka ko twari gufata icyemezo mbere kurushaho, nirengereye iby'iki cyemezo".

Barcelona yemeye ko iri mu biganiro n'uwahoze ari kapiteni wayo Xavi utoza muri Qatar