Emile Nzeyimana uzwi nka Papa Emile umuhanzi mu ndirimbo zo kuramya no guhimbaza Imana, yashyize ahagaragara indirimbo nshya yise ‘Ku birenge bye’. Ni indirimbo ashyize hanze ateguza uruhererekane rw’indirimbo azakubira kuri alubumu yatangiye gukoraho.
Papa Emile ni umwe mu bahanzi bamenyekanye cyane mu ndirimbo zihimbaza Imana, akaba n’umwe mu bazitunganya (Producer). Yamenyekanye birushijeho mu ndirimbo ziha ikuzo Imana nka ‘Mbayeho’, ‘Guhinduka birashoboka’, ‘Uri amaso yanjye’, ‘Niyo swaga’ n’izindi nyinshi.
Kuri ubu yamaze gushyira hanze indirimbo nshya yise ‘Ku birenge bye’ igizwe n’iminota itatu ndetse n’amasegonda 53’. Ni indirimbo yakubiyemo inkuru ya Mariya na Marita iboneka mu gitabo Gitagatifu, Bibiliya.
Muri iyi nkuru bavuga ukuntu Yesu yagiye kubasura maze Marita arashyashyana arateka, Mariya we yiyicarira ku birenge bya Yesu. Iyo nkuru irangira bigaragara ko Mariya yakoze ikintu gikomeye kurusha Marita.
Papa Emile yatangarije INYARWANDA ko iyi ndirimbo yise ‘Ku birenge bye’ yayikomoye ku nkuru ya Marita, Mariya na Yezu. ati “Akenshi rero usanga dushishikajwe n’imirimo ngo turakorera Imana nyamara rimwe na rimwe Imana iba ishaka ko tuyegera akatuganiriza.”
Mu gihe amaze mu rugendo rw’umuziki uha ikuzo Imana, Papa Emile amaze gushyira hanze alubumu esheshatu. Yasohoye alubumu yise ‘Mbayeho’, ‘Muvuzuko’, ‘Izabikora’, ‘Ubuzima bwiza’, ‘Hakuna akujuae’, ‘what a shock’, kuri ubu yatangiye urugendo rwo gukora indirimbo azakubira kuri alubumu ya karindwi.
Eng
RSS 
TANGA IGITECYEREZO