Youtube yashimagije ubunararibonye bwa Tuma Basa ufite inkomoko mu Rwanda

Ku italiki ya 1 mu kwezi kwa 6 muri uyu mwaka wa 2018 ni bwo byamenyekanye ku mugaragaro ko Tuma Basa (Tumaini Basaninyenzi) abaye umuyobozi w’icyiciro cy’imiziki igezweho muri sosiyete ya youtube. Ibi byishimiwe n’abatari bacye.

Nyuma y’amezi agera kuri 6 ubuyobozi bwa Youtube bwamugaragarije kumwishimira. Lyor Cohen umuyobozi w’umuziki muri sosiyete ya Youtube yagize ati: "Ubunararibonye bwe mu muziki ni ntagereranwa mu rugendo rwacu rw’umuziki turimo nka Youtube ,mu guhuza abanyamuziki n’abafana babo hirya no hino ku isi."

Tuma Basa akora muri Youtube nyuma yo gukorana n’andi masosiyete ndetse n’abahanzi batandukanye. Tuma Basa yakoze muri Spotify, yanayoboye ibiganiro kuri televiziyo zitandukanye nka MTV, BET no kuri televiziyo yitwa REVOLT y’icyamamare mu muziki  P.Diddy.

Tuma Basa aherutse kwambika impeta y’urudashira umukunzi we w’umunyamerikakazi   usanzwe ari n’umuherwe ufite uruganda rukora indorerwamo z’amaso.

Src: Billiboard .com