Kompanyi y'Abashinwa ikora umuhanda uhuza Akarere ka Nyabihu na Ngororero irashinja umukozi w'Urwego rwunganira inzego z'ibanze mu gucunga z'umutekano DASSO, gukorana n'abajura bakomeje kujujubya iyo Kompanyi bayiba ibikoresho.
Kompanyi y'Abashinwa yitwa Hunan road bridge construction ikora umuhanda uva mu karere ka Ngororero ujya mu karere ka Nyabihu, irashinja umukozi w'Urwego rwunganira inzego z'ibanze mu mutekano DASSO, ukorera mu karere ka Ngororero kugira uruhare mu bujura bwatumye yibwa ibikoresho bifite agaciro k'amafaranga y'u Rwanda arenga Miliyoni 450 Frw.
Umukozi ushinzwe Iterambere ry'abakozi muri iyi Kompanyi witwa Ntamugabumwe, yabwiye TV1 ko abaturage bashinja uwo mukozi ukora mu rwego rwa DASSO gukorana n'abajura bakomeje kwiba ibikoresho ikoresha mu iubaka umuhanda wa Kaburimbo .
Uwo mukozi ushinzwe abakozi avuga ko abaturage batanga amakuru bavuga ko umwe mu bakozi b'Urwego rwa DASSO ariwe wihishe inyuma y'ubujura bwibasira iyo Kompanyi ku buryo hari abavuga ko ibikoresho byibwe ababipakira bahabwa amafaranga n'uwo mugabo ukora mu rwego rwa DASSO.
Umukozi w'Urwego rwunganira inzego z'ibanze mu mutekano DASSO, Habinshuti Vedaste aganira TV1 yavuze ko abamushinja gukorana n'abajura babikora bashaka ko avanwa mu Murenge wa Nyange kugira ngo atabatangaho amakuru abafiteho.
Kompanyi y'Abashinwa yitwa Hunan road bridge construction ivuga ko kuva 2024 kugeza 2024 imaze kwibwa ibikoresho bifite agaciro k'amafaranga y'u Rwanda miliyoni zirenga 450 . Nubwo hari abajya kwiba iyo Kompanyi bagacika ariko hari Imodoka 4 na moto 10 bafashwe nayo bikoreshwa n'abari mu bikorwa byo kuyiba .
Eng
RSS 
TANGA IGITECYEREZO