Covid-19: Mu bantu 10 ku Isi umwe muribo arwaye iki cyorezo, ibihugu 10 by’ihariye 70% byarwayi n’abahitanwe nayo

Mu bantu barwaye covid-19 ku Isi nibura akagera kuri 21.4% ni Abanyamerica naho abamaze guhitanwa niki cyorezo akagera kuri 44.4% Nabava muri America, Brazil n’ubuhinde. Nyuma yuku ishami ry’uyu muryango ritangaje ibi ryanashimangiyeko benshi mu batuye Isi bagifite ibyago ndakuka.

Ku isi abantu barenga miliyoni 35 ni bo bamaze kwemezwa ko banduye coronavirus. Igereranya rya OMS rivuga ko umubare nyakuri w'abamaze kuyandura ku isi ugera hafi kuri miliyoni 800. Hagendewe kuri uyu mubare bivuzeko nibura akagera ku 10.2% by’abatuye Isi bose barwaye covid-19!

Impuguke zimaze igihe zivuga ko umubare nyakuri w'abanduye coronavirus urenga uw'abamaze kwemezwa ko bayanduye, ibi ahanini biterwa nuko hari abantu bafite imibiri idakunze kugaragaza ibimenyetso, iki ninacyo kiraje inshinga benshi ndetse kinayateye incyeke.

Mu nama yabereye i Genève mu Busuwisi ku cyicaro gikuru cya OMS, ubwo abakuru biri shami ry’umuryango wabibumbye ryari ryateranye hagamijwe kureba hamwe uburyo uyu muryango wakoresha mu guhangana n'iki cyorezo.

Kuva mu mpera za 2019 ubwo iki cyorezo cyatera Isi n’ibigo byinshi byagiye bitangazako bifite imiti iri hafi kurangira gusa abatuye Isi amaso yaheze mu kirere ndetse hakurikijwe ibirimo gukorwa nta kimenyetso n’iki nakimwe cyigaragaza ko iki cyorezo cyenda kurangira.

Iki cyorezo urebye umubare wabacyandura ndetse nabo gihitana ntabwo gikanganye cyane ahubwo ikibazo kiri mu buryo gishobora gukwirakwira ndetse nuburyo kibasira abafite imbaraga ncyeya cyane cyane nkabantu bageza muzabukuru.

Magingo aya, ibihugu byinshi byasubiye mu buzima busanzwe gusa ninako iki cyorezo kigenda gikwira muri benshi gusa ibi bije nyuma yuko horohejwe ingamba za 'guma mu rugo'. Ndetse hamwe na hamwe imibare yarushijeho kwiyongera cyane gusa kurundi ruhande ibihugu byinshi byagiye bihebera urwaje bikirengangiza iki cyorezo bigamije kurwana n’ikibazo cy’ubujiji ndetse n’inzara muri rubanda kubera iyi gahunda yo kwirinda kugira aho bahurira.

Inama yabereye I Genneva yatangaje iki kigenzi?

Bwana Dr Mike Ryan umuyobozi wa gahunda y'ubuvuzi bwihutirwa wa OMS mu cyegeranyo yashyize hanze atangazako nibura akagera 10% by'abatuye isi banduye coronavirus.

                                             Dr. Mike Ryan 

Dr Mike Ryan Yagize ati: "Ibi biratandukanye bitewe n'igihugu, biratandukanye mu mujyi no mu cyaro, biratandukanye mu matsinda y'abantu anyuranye". "Ariko icyo bivuze rwose ni uko benshi mu batuye isi bakiri mu byago [byo kwandura]. Turabizi ko icyorezo kizakomeza kwiyongera ariko turanabizi ko dufite ibikoresho byo kuburizamo ubwandu bikarokora ubuzima aka kanya..."

Nyakubahwa bwana Tedros Adhanom Ghebreyesus ukuriye OMS yasabye ibihugu gushyira hamwe no kugira ubuyobozi butajenjeka kuri buri ngingo irebana n’iki cyorezo. Tedros yavuze ko hagaragaye ubudasa mu mibare y'abanduye coronavirus ku isi.

Tedros yagize ati: "Nubwo ibihugu byose byazahajwe n'iyi virusi, tugomba kwibuka ko iki cyorezo kitabyibasiye mu buryo bungana. Ibihugu icumi byihariye 70% y'abatangajwe ko banduye n'abapfuye bose ndetse ibihugu bitatu gusa byihariye kimwe cya kabiri".

Kuyu munsi wa none abasaga miliyoni 1 bamaze kwicwa na coronavirus ku Isi hose, kurutonde rw’ibihugu byibasiwe cyane ruyobowe na America nkuko imibare ya Kaminuza ya Johns Hopkins ibigaragaza. Nyuma y'Amerika iza ku mwanya wa mbere mu kugira abanduye benshi ku isi - abarenga miliyoni 7,4 - hakurikiraho Ubuhinde na Brazil.

Src: Who, bbc, worldometers.info, Johns Hopkins university