Ikipe ya Gasogi United nyuma yo gutsinda ikipe ya Etincelles FC, yihembye ibikombe 2 mu buryo butunguranye ndetse abakinnyi bagera kuri 4 bahabwa imidari.
Byari ku mukino wa nyuma wa shampiyona 2023-24 ikipe ya Gasogi United yari yakiriyemo Etincelles FC yo mu Burengerazuba bw'u Rwanda.
Uyu mukino warangiye ikipe ya Gasogi United itsinze Etincelles FC igitego 1-0 cyatsinzwe na Ngono Guy Herve. Nyuma y'uyu mukino, ikipe ya Gasogi United yateguye igisa n'umuhango wo kwihemba no kwishimira uburyo bitwaye mu mwaka w'imikino urangiye.
Uyu muhango, watangiye Gasogi United ihemba abakinnyi 4 basa n'intoranywa zitwaye neza muri Gasogi United. Abakinnyi bahawe imidari harimo Hakim Hamiss, Dauda Bereli, Muderi Akbar, ndetse n'umutoza Alain Kilasa.
Nyuma yaho ikipe ya Gasogi United n'ubuyobozi bwayo, berekanye ibikombe bihembye hagati yabo n'abafana. Ibi bikombe bibiri, byose byari byanditseho ko "Imvugo ariyo ngiro".
Amakuru InyaRwanda yamenye ni uko ibi bikombe ari abafana b'iyi kipe babizanye ndetse na bamwe mu bayobozi ba Gasogi United bo hasi bakabitiza umurindi.
Gasogi United yasoje shampiyona y'icyiciro cya mbere mu Rwanda iri ku mwanya wa 9 n'amanota 36, ikaba yaragize agahigo ko gutsinda Rayon Sports ikananganya na APR FC.
M mikino y'igikombe cy'Amahoro, Gasogi United yageze mu mikino ya 1/2, ikurwamo na Police FC, gusa na yo (Gasogi United) yari yakoze akazi gakomeye isezerera APR FC muri 1/4.
KNC ateruye igikombe utamenya impamvu yacyo
Gasogi United ngo ntabwo yabura igikombe ngo ibure n'icyo yiha
Bamwe mu bakinnyi ba Gasogi United bahawe imidari
Nyuma y'umukino wa nyuma wa shampiyona, Gasogi United yihaye igikombe
AMASHUSHO Y'UKO BYARI BIMEZE KU MUKINO WA NYUMA WA SHAMPIYONA
AMAFOTO: Serge Ngabo - InyaRwanda.com
VIDEO: Eric Munyantore - InyaRwanda Tv
Eng
RSS 
TANGA IGITECYEREZO