Nyuma y’ukwezi Tanzania yongeye gutangaza amakuru mashya ku bijyanye n’icyorezo cya coronavirus

Minisitiri w’intebe bwana Majaliwa yavuze ko abo bantu 66 bari mu bitaro mu turere 10 tw'igihugu, yongeraho ko utundi turere 16 nta muntu ufite iki cyorezo uhari.

Iki gihugu cya Tanzania ni kimwe mu bihugu byakunze guterana amagambo na OMS aho yagishinzaga kujenjeka nacyo kikayisubizako kizeye amasengesho ndetse ko mu gihe cyafata ingamaba zikakaye byateza igihombo gikabije ku bukungu.

Mu minshi ishize Perezida John Magufuli yari yatangaje ko "Nta coronavirus ikiri muri iki gihugu" kubera amasengesho y'abaturage, iki gihe ndetse Magufuli yategetse abaturage gukora amasengesho y’iminsi 3.

Mu kwezi gushize, Ambasade ya Amerika yaburiye ko mu mujyi wa Dar es Salaam ibitaro byaho "byuzuriranye" kandi ko ibyago byo kwandura iki cyorezo muri uwo muyi biri hejuru cyane - gusa ntiyatangaje ibyo ishingiraho yemeza ibi.

Ese ni iki ubutegetsi bw’iki gihugu butangaza?

Mu ijambo rye ejo kuwa mbere, minisitiri w'intebe muri Tanzania yavuze ko imibare y'abanduye mu gihugu yagabanutse. Asaba abaturage gukomeza ingamba zatangajwe zo kwirinda gukwirakwiza iyi virus.

Umubare w'abantu bose hamwe banduye coronavirus muri Tanzania ntabwo uzwi neza. Tariki 29 z'ukwezi kwa kane ubwo baheruka gutangaza imibare leta yavugaga ko abanduye bose ari 509 na 21 yishe.

Tariki 01 z'uku kwezi kwa gatandatu, minisitiri w'ubuzima Madamu Ummy Mwalimu yavuze ko muri Dar Salaam hari abarwayi bane gusa.

Amashuri yisumbuye, amakuru na za kaminuza yongeye gufungura kuwa 01 Kanama 2020, imikino nayo yongeye kwemererwa gutangira.

Imibare itangazwa na worldometers.info iri mu mbuga ziri gutangaza amakuru ya covid-19 ku rwego rw’Isi irerekana ko Tanzania ifite abarwayi 509 abamaze guhitanwa nayo bangana na 21 naho abayikize barangana na 183 bivuze ko abakirwaye bangana na 305. Ku rwego rw’Isi abamaze kwandura covid-19 ni 8,118,908 naho abamaze guhitanwa nayo ni 439,204 abayikize barangana na 4,231,648.

Src: bbc, worldometers.info