Tanzania: Igihugu cyose mu masengesho y'iminsi 3 yo gushimira Imana kubera 'igabanuka' rya Covid-19

Tanzania ni kimwe mu bihugu byatumije umuti utaremezwa na OMS/WHO ko waba uvura covid-19 ndetse kiba igihugu cyakunzwe kumvikana cyane binyuze ku mukuru wacyo bwana Magufuli avuga ko igihugu cye kizeye amasengesho ndetse ko imbaraga z’Imana zizabashoboza gutsinda icyorezo cya Coronavirus.

Uyu mugabo ntabwo yakunze kumvikana n’Umuryango w’Abibumbye kubera kwanga guhagarika ibikorwa by’ubucuruzi kuko yizeraga ko Imana izabashoboza. Nyuma y'uko atangaje ko ubwandu bwahagaze muri iki gihugu, yahise afungura ibikorwa bicye byari byarahagaze bibimburiwe n’ingendo z’indege, hakiyongeraho amashuli n’imyidagaduro, ibi byose bikaba bizafungurwa mu cyumweri gitaha.

Perezida Magufuli yashishikarije abaturage gukoresha igihe k’iminsi 3 bagashimira Imana kubera ukuntu yarwanyije iki cyorezo, avuga ko ibi ari ingenzi mu gufasha Tanzania kwirinda coronavirus.

Hashize hafi ibyumweru bitatu iki gihugu gihagaritse gutangaza amakuru mashya ya buri munsi ajyanye n'umubare w'abanduye. Byatumye hibazwa byinshi ku ishusho nyakuri y'uko iki cyorezo gihagaze muri iki gihugu.

Iyi ni indi nshuro Bwana Magufuli asabye abaturage ba Tanzania gusenga iminsi itatu, uhereye ku wa Gatanu kugeza ku Cyumweru. Kuri iyi nshuro avuga ko ari uburyo bwo kwereka Imana ko bashima icyo yavuze ko ari igabanuka ry'umubare w'abanduye Covid-19 mu gihugu.

Abategetsi b'inzego z'ibanze - nk'urugero umukuru w'akerere k'umujyi wa Dar es Salaam - banasabye abantu ko ku cyumweru bazitabira igikorwa cyo kwishimira irangira rya coronavirus.

Iyo gahunda yo guhura igaragara nk'irenga ku mabwiriza y'ishami ry'umuryango w'abibumbye ryita ku buzima (OMS/WHO) abuza kwegerana mu rwego rwo kwirinda kwiyongera k'ubwandu bwa coronavirus.

Muri iki cyumweru, leta ya Tanzania yatangaje ko izongera gufungura amashuri amwe n'amwe ndetse ko n'ibikorwa by'imikino bigiye gusubukurwa.

Ibyibazwa  ku 'igabanuka' ry'ubwandu

Leta ya Tanzania yanatangaje ko guhera mu cyumweru gitaha izemerera abagenzi baturutse mu mahanga kwinjira mu gihugu.

Depite Zitto Kabwe utavuga rumwe n'ubutegetsi bwa Tanzania, yanenze izo ngamba za leta avuga ko atari ukuri ko imibare ya Covid-19 iri kugabanuka mu gihugu.

Mu ntangiriro y'uku kwezi kwa gatanu, Leta Zunze Ubumwe z'Amerika zatangaje ko leta ya Tanzania ahanini itangaza imibare iri hasi cyane y'ubwandu bwa coronavirus.

Hashize hafi ibyumweru bitatu abategetsi ba Tanzania badatangaza imibare mishya y'ubwandu bwa coronavirus.

Magingo aya, urubuga rwa Wordmetric.info rwerekana ko Tanzania ifite abantu banduye Covid-19 bangana na 509, muri bo abagera ku 183 barakize abandi bagera kuri 305 baracyarwaye naho 21 baraphuye. 

Src: bcc