WhatsApp ni urubuga nkoranyambaga ruri mu zikunzwe. Kuri iyi nshuro ikigo cya Facebook WhatsApp ibarizwamo cyatangaje ko umunsi ntarengwa wari warateganyijwe kuwa 8 Gashyantare washyizwe kuwa 15 Gicurusi. Mu mpera z'ukwezi kwa Mutarama ni benshi bagiye babona ubutumwa buturutse muri Facebook busaba kwemeza imikorere mishya.
Nyuma y’igihe
kinini benshi binubira imikorere ya WhatsApp ndetse benshi banashinja uru
rubuga kuba imbarutso yo kwinjirirwa bakibwa amabanga yabo, iki kigo kivuga ko mu bijyanye
no kwagura imikorere yacyo mu bijyanye n’imibikirwe y'amabanga hari amabwiriza
abakiriya bagomba kwemera.
Iki kigo kiri gukaza umutekano w'abakiriya bacyo
nyuma y'uko cyagiye kivugwaho ubudabagizi mu kazi ndetse no kugurisha amabanga
y'abakiriya ibintu byanatije umurindi imbuga nkoranyambaga nka Telegram na Signals.
Iyi nkuru
igitangazwa benshi mu bakiriya ba WhatsApp bijujutiraga ihuzwa rya Facebook, Instagram
na WhatsApp, gusa iki kigo cya Facebook,inc cyakomeje kumara impugenge abakiriya
bacyo ko nta kibazo biteye ndetse bizakora mu buryo bunoze.
Kuri iyi
nshuro iki kigo cyariye karungu kivuga ko umukiriya uzageza tariki 15 Gicurasi atari yemeza
aya mabwiriza agendanye no kugenga amabanga azahita ahagarikirwa kwakira
ubutumwa ndetse no kubwohereza no kuba yahamagara umuntu runaka.
Ku rundi ruhande uzamara iminsi 120 atari yongera gukoresha konte ye ya WhatsApp, izajya ihita isibwa burundu. Muri Mutarama 2021 iki kigo cyagiye gitungura benshi aho bamwe baba baryamye babyuka bagasanga boherejwe imenyesha (Notifications) zibasaba kwemeza amabwiriza mashya y'iki kigo.
Harimo ababikoze ndetse n’abandi
batabikoze ari nayo mpamvu yatumye benshi bahabwa amahirwe bakongererwa iminsi
aho byavuye kuwa 8 Gashyantare 2021 bikimurirwa kuwa 15 Gicurusi 2021.
Src: techcrunch.com
Eng
RSS 
TANGA IGITECYEREZO