Muri iyi minsi mu Rwanda hari kubera irushanwa rya Miss Rwanda 2019 aho kuri ubu ari irushanwa rigeze aho rikomeye, abakobwa bazajya mu mwiherero bamaze kumenyekana igisigaye ni ukwitabira umwiherero bazavamo berekeza i Rusororo ahazabera ibirori byo gutanga ikamba kuri Nyampinga w'u Rwanda mu mwaka wa 2019.
Kuri ubu amatike yo kwinjira
muri ibi birori yageze ku isoko aho abazazigura mbere bazabasha kubona uburyo
bwo kugenda ku buntu, aha amatike mbere yuko ibirori biba ari kugura 5000frw mu
myanya isanzwe, 10000frw mu myanya y'icyubahiro na 400000frw ku meza y'abantu
icumi azaba ariho n'icupa rya shampanye. aba bazagura amatike mbere bakazahabwa
uburyo bwo kugenda cyane ko hazaba hateguwe imodoka zizatwara abaguze amatike
mbere.
Kubantu bazagurira amatike i Rusororo ho kwinjira bizaba ari 10000frw mu myanya isanzwe,20000frw mu myanya y'icyubahiro na 500000frw ku meza y'abantu icumi bazaba bicaye mu myanya y'icyubahiro hariho n'icupa rya shampanye.
Amatike yatangiye kugurishwa
Irushanwa rya Miss Rwanda
2019 ryatangiye tariki 15 Ukuboza 2018 aho batangiye bashakisha abakobwa
bagombaga guhagararira intara y'Amajyaruguru mu iri rushanwa. Nyuma y'iyi ntara
intara zose z'u Rwanda n'Umujyi wa Kigali bazinyuzemo bashakisha abakobwa
bazazihagararira muri Miss Rwanda 2019 birangira habonetse abakobwa 37
baherutse gutoranywamo abakobwa 20 bazerekeza mu mwiherero muri Golden Tulip i
Nyamata guhera ku Cyumweru tariki 13 Mutarama 2019.
Uyu mwiherero uzamara ibyumweru bibiri abakobwa bigishwa ibinyuranye bizabafasha kuba bavanwamo umwe wakwegukana ikamba rya Miss Rwanda. Uyu mwiherero uzarangira tariki 26 Mutarama 2019 uwegukanye ikamba amenyekanye mu birori biteganyijwe kubera i Rusororo muri Intare Conference Arena.
Eng
RSS 
TANGA IGITECYEREZO