Sat B umwe mu bahanzi bamaze gushinga imizi mu muziki w'i Burundi, yasuwe mu rugo iwe na Inyarwanda.com tugirana ikiganiro kirambuye agaruka ku muhanzikazi bivugwa ko babana mu nzu, anatangaza ko indirimbo ye na Meddy itakorewe muri Wasafi yewe anagaruka ku nkuru zo gutandukana n'abamufashaga.
Sat B atuye hafi n'ikiyaga cya Tanganyika aho akodesha inzu y'amafaranga y'Amarundi 1,000,000 angana hafi na 300,000 Frw. Ni umwe mu bahanzi b'abarundi babaye mu Rwanda cyane ko yinjiye mu Rwanda muri 2015 kugeza muri 2017 ubwo yasubiraga mu Burundi. Ahamya ko byinshi mu byo yigiye mu Rwanda biri mu bimufasha cyane mu gukora muzika ye neza na cyane ubu agaragaza kuzamura urwego mu muziki we.
Sat B yemereye Inyarwanda.com ko afite umukunzi mushya witwa Belle Nice umukobwa w'umuhanzikazi i Burundi basigaye bakundana ndetse binavugwa ko banabana yewe n'igihe Inyarwanda.com twasuraga uyu muhanzi twahasanze uyu mukunzi we n'ubwo we yatangarije umunyamakuru ko batabana.
Sat B na Meddy ngo bakoranye indirimbo ariko ntiyakorewe muri WASAFI nk'uko byakunze kuvugwa
Uyu muhanzi uri mu bakunzwe i Burundi yatangarije Inyarwanda.com ko afite abana babiri bahuje umubyeyi. Yijeje abanyarwanda n'abakunzi be ko indirimbo ye na Meddy igomba kujya hanze mu minsi ya vuba. Sat B yatangaje ko iyi ndirimbo mu buryo bw'amajwi yarangiye ndetse bategereje gufata amashusho yayo cyane ko bateganya kuyakorana na Meddy Saleh dore ko mu biganiro agirana na Meddy muri iyi minsi bagomba guhurira mu Rwanda. Ariko kandi iyi ndirimbo ngo ntabwo yakorewe muri Wasafi nk'uko byakunze kuvugwa.
REBA HANO IKIGANIRO KIRAMBUYE TWAGIRANYE NA SAT B UBWO TWAMUSURAGA IWE
Eng
RSS 
TANGA IGITECYEREZO