Kuri uyu wa Mbere tariki 21 Mutarama 2019 ni bwo Bill Ruzima umwe mu basore batatu bari bagize itsinda rya Yemba Voice yatangarije Inyarwanda.com ko iri tsinda ryamaze gusenyuka ndetse buri wese kuri ubu akaba agiye gukora umuziki ku giti cye aho gukorera mu itsinda nk'uko byari bimeze mu minsi ishize.
Billy Ruzima yatangarije Inyarwanda.com ko Yemba Voice ubusanzwe yasenyutse neza mu Ukuboza 2018. Yagize ati" Mu by'ukuri
twatandukanye ariko ntabwo twabaye abanzi, ni itsinda tutagikorana ariko
turacyari abavandimwe, ni icyemezo twafashe ubwo twarangizaga amashuri aho
twigaga mu ishuri rya muzika rya Nyundo buri wese yiyemeza kwikorana."
Billy yabwiye
umunyamakuru ko mu byu'kuri nta kintu bapfuye ahubwo icyabaye ari uko buri wese
aba afite uko ashaka gutwara ibintu bye, ndetse n'inzira ze aba ashaka kunyura
agera ku ndoto ze. Yatangaje ko nta kibazo bafitanye ndetse wenda
igihe gishobora kuzongera kubahuza bakaba bakora itsinda ariko magingo aya
bakaba nta tsinda ryitwa Yemba Voice rigihari.
Itsinda rya Yemba Voice ryamaze gutandukana
Abajijwe ku kijyanye
n'uwaba yarazanye igitekerezo cyo gutandukana uyu musore yabwiye Inyarwanda.com
ko mu by'ukuri ari icyemezo bafatanye nta n'umwe yavuga ko ariwe wazanye iki
gitekerezo. Yakomeje ahumuriza abakunzi ba muzika bakoraga avuga ko buri wese
ashoboye kandi yizeye ko bazakora cyane bityo yizeza abakunzi ba muzika
kuzabona umuziki mwiza ku mpande zinyuranye.
Mugabutsinze Moise, Rusanganwa Nobert na Bill Ruzima ni bo basore bari bagize itsinda Yemba Voice. Iri tsinda risenyutse nyuma y'igihe gito ryari rimaze mu muziki dore ko ritari riwurambyemo. Aba basore bari bakunzwe mu ndirimbo zinyuranye zirimo; African Woman, Turakundana, Go Down bakoranye na Riderman n'izindi. Bashoreje urugendo rwabo mu muziki nk'itsinda ku ndirimbo yitwa So Sweet bari batarakorera amashusho.
Eng
RSS 
TANGA IGITECYEREZO