Casemiro na Rutahizamu wa Arsenal ntabwo bahamagawe mu ikipe y'igihugu ya Brazil

Ku mugoroba wo ku wa Gatanu, ni bwo umutoza w'ikipe y'igihugu ya Brazil, Dorival Jr yahamagaye abakinnyi 23 azifashisha mu mikino ya Copa America izakinwa mu kwezi gutaha.

Casemiro w'imyaka 32 y'amavuko, amaze gukina imikino 75 mu ikipe y'igihugu ya Brazil, ariko kuri iyi nshuro ntabwo yongeye guhabwa amahirwe yo kongera imikino yakiniye ikipe y'igihugu, kubera umwaka mubi yagize muri Manchester United.

Mu bandi bakinnyi batahawe amahirwe yo kujya mu ikipe y'igihugu ya Brazil harimo Anthony wa Manchester United, Richarlison wa Tottenham na Jesus Gabriel wa Arsenal.

Neymar Junior we, ntabwo yagaragaye ku rutonde kubera ko yavunitse mu mukino ikipe y'igihugu ya Brazil yakinagamo na Uruguay.

Abakinnyi bahamagawe mu ikipe y'igihugu ya Brazil:

Abazamu: Alisson (Liverpool), Bento (Athletico PR), Ederson (Manchester City)

Ba myugariro: Beraldo (PSG), Militao (Real Madrid), Gabriel (Arsenal), Marquinhos (PSG), Danilo (Juventus), Couto (Girona), Arama (Athletico MG), Wendell (Porto)

Abakina mu kibuga hagati: Pereira (Fulham), Guimaraes (Newcastle), Luiz (Aston Villa), Gomes (Wolves), Paqueta (West Ham)

Abasatira izamu: Endrick (Palmeiras), Evanilson (Porto), Martinelli (Arsenal), Raphinha (Barcelona), Rodrygo (Real Madrid), Savinho (Girona), Vinicius Jr (Real  Madrid).

Casemiro wa Manchester United, Richarlison wa Tottenham, Jesus Gabriel wa Arsenal na Anthony wa Manchester United ntabwo bahamagawe mu ikipe y'igihugu Brazil 

Kudahamagarwa kwa Casemiro byatewe n'umwaka mubi yagize muri Manchester United