Umuhanzi Muvunyi Jean Bosco Victor [Daddy v] yamaze gushyira hanze amashusho y’indirimbo nshya ‘Damu yangu’ yakoranye n’umuhanzi S/Major Robert. Ni indirimbo yumvikana mu rurimi rw’Ikinyarwanda ndetse n’Igiswahili.
Avuga ko iyi ndirimbo ‘Damu yangu’ [Bisobanuye amaraso yanjye] ariyo yambere akoreye amashusho, mu gihe afite izindi ndirimbo zigera kuri eshanu zifite amajwi nka: ‘Mutima w'urugo’, ‘Babby boo’, ‘Iminsi’, ‘Ndakumbuye’ n’izindi.
Daddy v yabwiye INYARWANDA ko amajwi (Audio) y’iyi
ndirimbo yasohotse muri 2018 akozwe na Producer AG, amashusho (Video) ayashyira
hanze ku mugoroba w’uyu wa Gatatu tariki 13 Mutarama 2018, yakozwe na MICI The
Director.
Umuhanzi S/Major Robert.
Yavuze ko muri iyi ndirimbo ye yaririmbye uburyo ‘umuhungu w’umukene atera inda umukobwa ntibabane. Nyuma y’iminsi mike umukobwa agashyira hanze ‘invitation’ z’ubukwe , umuhungu agasigarana agahinda kuko atwaye umwana we n’ubwo ataravuka,”. Avuga ko afite gahunda yo gukora indirimbo n’undi muhanzi w’umunyarwanda mu minsi iri imbere. Yizeza abafana be gukomeza gukora umuziki neza.
REBA HANO AMASHUSHO Y'INDIRIMBO 'DAMU YANGU' YA DADDY V NA S/MAJOR ROBERT
Eng
RSS 
TANGA IGITECYEREZO