Umuraperi Abayizera Marie Grace wamamaye nka Young Grace yemeje ko atwite, afite amashyushyu yo kubona imfura ye. Ibi akaba yabitangarije mu kiganiro yagiranye na Inyarwanda.com uyu muraperi akaba yahamije ko atwite adutangariza papa w’umwana yewe anaduhishurira rimwe mu mazina ateganya kwita umwana we.
Muri iki kiganiro Young Grace yatangaje ko atwite inda nkuru ndetse inda akaba yarayitewe n’umusore bamaze igihe bakundana Rwabuhihi Hubert [Piqué], abajijwe igihe inda imaze Young Grace yanze kugitangaza, abajijwe ibijyanye n’amazina y’umwana we uyu muraperikazi yatangarije Inyarwanda.com ko umwana we azamwita “Diamante” akazongeraho andi mazina igihe azaba yavutse.
Young Grace watangaje ko yumva afite amatsiko yo kubona imfura ye yatangaje ko ariyo mpamvu atigeze ahisha ko atwite, uyu muraperikazi abajijwe ibijyanye n’ubukwe bwe yatangaje ko agiye kubanza kubyara icyakoran’ubukwe nabwo buri mu bintu atekereza. Abajijwe niba gutwita bitari bwice umuvuduko wa muzika ye Young Grace yatangaje ko kubwe gutwita ari ibintu yifuzaga ku buryo agiye kubiha umwanya gusa ngo ntabwo aza guhagarika umuziki.
Young Grace kuri ubu aratwite...
Ku wa 19 Nzeri 2018, Young Grace yambitswe impeta y’urukundo n’umukunzi we Piqué ukina muri Heroes yo mu Cyiciro cya Kabiri mu Rwanda, amusaba kumubera umugore we undi aranabyemera.
REBA HANO IKIGANIRO KIRAMBUYE TWAGIRANYE NA YOUNG GRACE
Eng
RSS 
TANGA IGITECYEREZO