Ku nshuro ya kabiri, abanyamujyi bashimishijwe n’igitaramo bategurirwa n’umujyi wa Kigali nubwo imitegurire yabyo yo iri gusubira inyuma –AMAFOTO

Iki gitaramo kiri muri gahunda y’Umujyi wa Kigali yo gususurutsa abawutuye mu bitaramo ngarukakwezi cyabereye muri Car Free Zone mu ijoro ryo ku wa Gatanu, tariki 30 Kanama 2019. Abitabiriye iki gitaramo wabonaga ibyishimo byabasaze by’umwihariko bigeze ku bahanzi barimo Mico The Best, King James na Makanyaga Abdul kimwe na Orchestre Irangira biba akarusho dore ko babafashaga kuririmba no kubyina zimwe mu ndirimbo zabo.

Ibi bitaramo ngarukakwezi by’Umujyi wa Kigali bizajya biba buri wa Gatanu wa nyuma w’ukwezi, aho abahanzi batandukanye bakunzwe mu Rwanda bazajya bafasha abanyamujyi kwishima no gusoza ukwezi neza. Icyakora iki gitaramo cya kabiri ntabwo imitegurire yacyo yanyuze benshi cyane ku rubyiniro dore ko abahanzi bataramiye hejuru y’imodoka mu gihe ku nshuro ya mbere bari bataramiye ku rubyiniro ibintu bitishimiwe na bose babibonye nko gusubira inyuma mu mitegurire y’ibi bitaramo.

Bamwe mu banyamakuru baganiriye na Inyarwanda bagaragaje ko ibi ari ikimenyetso cyo gusubira inyuma mu mitegurire y’iki gitaramo basaba umujyi wa Kigali kugerageza gutegura ibitaramo byiza kugira abo bashaka guha ibyishimo babahe ibyuzuye ntakubasondeka.

Kubera ubuto bw'imodoka itorero ryabyiniye hasi

Mico the Best yaririmbye muri iki gitaramoKing James yishimiwe bikomeye muri iki gitaramoMakanyaga Abdoul yashimishije abakunzi ba muzika yeAbafana bo bari bitabiriye ari benshi cyane