Miss Rwanda 2019: Uko byari bimeze mu birori byo guhitamo abakobwa 20 bajya mu mwiherero-AMAFOTO+VIDEO

Kuri uyu wa Gatandatu tariki 05 Mutarama 2019, amateka mashya agiye kwandikwa n’abakobwa 20 bazavamo Miss Rwanda 2019. Ni mu birori bikomeye biri kubera i Gikondo kuri Expo Ground mu karere ka Kicukiro, Umujyi wa Kigali.

Abakobwa 20 batoranywa uyu munsi, bazavanwamo batanu mbere y’uko umwiherero urangira, ni ukuvuga ko mu cyumweru cya nyuma cya bootcamp hazajya hasezererwa umukobwa umwe buri munsi. 15 basigaye ni bo bazatoranywamo umukobwa uhiga abandi yambikwe ikamba mu birori bizaba tariki 26 Mutarama 2019, bibere muri Intare Conference Arena i Rusororo.

Mu ijoro ry’uyu wa Gatanu tariki 04 Mutarama 2019, abakobwa bose uko ari 37 bakoze imyitozo ya nyuma mbere y’uko umunsi nyir’izina ugera. Kuri uyu wa gatandatu tariki 05/01/2019 abantu batandukanye batangiye kuri I Gikondo ahagiye kubera umuhango wo guhitamo abakobwa 20 bazemererwa kugera mu mwiherero. Besnhi bitwaje ibirango bigaragaza abo bashyigikiye ndetse morale ni nyinshi mbere y’uko igikorwa nyamukuru gitangira.

Saa Moya zuzuye: Lucky wari MC mu bikorwa byo guhitamo abakobwa bazahagararira intara zose n'umujyi wa Kigali yahaye ikaze abitabiriye iki gikorwa bose, akurikirwa na MC Ally Soudy uri buyobore uyu muhango kuri uyu munsi. Yatangiye aha ikaze akanama nkemurampaka hahita hakurikiraho kwiyerekana ku bakobwa 37 bagiye guhatanira gutoranywamo 20 bazajya mu mwiherero.

Akanama nkemurampaka k’irushanwa kagizwe na Mutesi Jolly (Nyampinga w’u Rwanda 2016), Rusaro Carine wabaye Miss NUR, ndetse na Umurerwa Evelyne ukora kuri RTV. Ingingo zishingirwaho muri iri rushanwa ni uburanga (buhabwa amanota 30%), Ireme ry’ibisubizo umukobwa yatanze (ni amanota 40%) ndetse n’uburyo umukobwa atondekanya ibitekerezo bye (Bifite amanota 30%).

Abagize akanama nkemurampaka mu muhango wo guhitamo 20 bazajya mu mwiherero

Umurerwa Evelyne

Miss Rwanda 2016 Mutesi Jolly

Miss Rusaro Carine

MC Ally Soudy

Saa moya na 20: abakobwa bose bamaze kwiyerekana imbere y'akanama nkemurampaka ndetse batangiye kubazwa umwe umwe hakurikijwe nimero bahawe bazajya bakoresha muri iri rushanwa. buri mukobwa ari guhitamo nimero ihwanye n'ikibazo runaka ahita abazwa mu rurimi yihitiyemo.

Abakobwa bose bamaze kunyura imbere y'akanama nkemurampaka. hagiye gukurikiraho umwanya wo kwiherera ngo hatoranywemo abakobwa 20 bazajya mu mwiherero i Nyamata.

Saa yine n'igice: abakobwa bose 37 bagarutse imbere ya rubanda rwitabiriye umuhango wo gutoranyamo 20 bazajya mu mwiherero bazaherwamo impamba izabafasha kuzatoranywamo uzaba nyampinga w'u Rwanda 2019. hagiye gukurikiraho umwanya wo gutangaza abakobwa 20 bazajya mu mwiherero.

Incamake ku majonjora yabereye mu Ntara enye n’Umujyi wa Kigali:

Irushanwa rya Miss Rwanda ryatangiye mu Ukuboza 2018, imibare igaragaza ko hiyandikishije abakobwa 340 mu Ntara enye n’umujyi wa Kigali, haje kuvamo 37 bagiye gutoranywamo 20 berekeza mu mwiherero. Mu Ntara enye hatoranyijwe abakobwa 31, Umujyi wa Kigali uhagararirwa n’abakobwa 6.

Umujyi wa Kigali:

Gakunde Iradukunda Prayer (No.4)

Niyonshuti Assoumpta (No.1)

Ibyishaka Aline (No.14)

Umutoni Grace (No.17)

Nimwiza Meghan (No.22)

Uwase Sangwa Odile (No.25).

Intara y’Amajyaruguru ihagarariwe n’abakobwa 5:

Teta Mugabo Ange Nicole (No.2)

Gaju Anitha (No.4)

Munezero Adeline (No.6)

Ishimwe Bella (No.9)

Kabahenda Ricca Michaella (No.10)

Amajyepfo ahagararirwe n’abakobwa 10:

Uwase Nadine No.7

Uwihirwe Roselyne No.16

Umukundwa Clemence No.5

Mutoni Oliver No.10

Uwase Muyango Claudine No.2

Niyonsaba Josiane No.18

Teta Fabiola No.15

Umurungi Sandrine No.9

Uwicyeza Pamella No.11

Tuyishimire Vanessa No.20

Uburengerazuba ni abakobwa 6:

Uwimana Triphine Mucyo (No.2)

Uwase Aisha (No.12)

Tuyishime Vanessa (No.9)

Igihozo Mireille (No.6)

Mwiseneza Josiane (No.1)

Mutoni Deborah (No.11)

Uburasirazuba, abakobwa 10:

Uwihirwe Yasipi Casmir No.3

Mukunzi Teta Sonia No.7

Inyumba Charlotte No.8

Higiro Joally No.16

Umutesi Nadége No.11

Mugwaneza Emelyne No.12

Bayera Nisha Keza No. 19

Igihozo Darine No.20

Murebwayire Irene No.24

Mutoni Queen Peace No.27

Umukobwa uzegukana ikamba rya Nyampinga w’u Rwanda 2019 azajya ahembwa 800 000 Frw nk’umushahara, azahabwa kandi imodoka nshya. Igisonga cya mbere azahabwa Miliyoni imwe (1,000,000 Frw), Igisonga cya kabiri azahabwa ibihumbi magana atanu (500,000 Frw).

REBA HANO UBURANGA BW'ABAKOBWA 20 BARIMO NA JOSIANE MWISENEZA BAKOMEJE

">