Marina ubarizwa mu nzu ya The Mane mu minsi ishize ubwo yari i Rusizi mu bitaramo bya The Mane Simbuka Tour, yibasiye Itsinda rya Charly na Nina ubwo yaririmbaga indirimbo ye yise 'Marina' yagera aho aririmba Charly na Nina akabita Shyari na Nyina. Yaje kubisabira imbabazi gusa bidateye kabiri mu mpera z'umwaka ushize yongera kubikora.
Ubwo yari i Rusizi, Marina yumvikanye ku rubyiniro aririmbana n'abafana be indirimbo yise 'Marina'. Aha hakaba agace aririmbamo ati" ...Yararahiye ko atazakunda natabona Marina, bamuha Charly na Nina bashyiraho na Butera aratsemba ngo yikundira Marina..." Ubwo yari ageze kuri aka gace, yarikije asaba abafana be kumufasha maze aratera ati" Yararahiye ko atazakunda natabona Marina, bamuha Shyari na Nyina bashyiraho na Butera aratsemba ngo yikundira Marina."
UMVA HANO INDIRIMBO 'UBURYOHE' YA CHARLY NA NINA
Nyuma y'igihe gito akoze ibi yaje gusaba imbabazi aba bahanzikazi agira ati"Mwiriwe neza, Niseguye kuri buri umwe wese haba mu rwego rw'abafana cyangwa abanyarwanda muri rusange cyane cyane Charly na Nina waba yarafashe nabi kuba narise Charly na Nina ngo Shyari na nyina nta rundi rwango mbafitiye nk'uko ngenda mbisoma mu bitekerezo ku mbuga nkoranyambaga kandi ndabubaha nka bakuru banjye mu muziki."
Icyakora bidateye kabiri Marina yagaragaje ko izi mbabazi yazisabye bitamuvuye ku mutima cyane ko mu mu gitaramo cya XMass Celebrities Party cyabaye kuri uyu wa Kabiri tariki 25 Ukuboza 2018 ubwo yageraga ku rubyiniro aririmba indirimbo ye Marina yongeye gusubiramo aya magambo agira ati" Yararahiye ko atazakunda natabona Marina, bamuha Shyari na Nyina bashyiraho na Butera aratsemba ngo yikundira Marina".
Marina...
Uyu muhanzikazi wari ukoze icyo benshi bakwita isubiracyaha twaganiriye aduhishurira ko mu by'ukuri iby'imbabazi bivugwa ko yasabye atari we wazisabye ahubwo yasabwe na Manager we cyangwa umujyanama we kuzisaba bityo azisaba bitamuvuye ku mutima, iyi ikaba impamvu nyiri izina yakunze kubisubiramo nawe ahamya ko atigeze anareka kubikora.
UMVA HANO INDIRIMBO 'UMUSARABA WA YOSHUWA' YA JAY POLLY NA MARINA
Icyakora n'ubwo Marina akomeje gutangaza ibi byose Charly na Nina bo baherutse gutangaza ko badashaka kuvuga kuri iki kibazo ndetse ko badashaka kuvuga na rimwe kuri Marina. Kuri ubu Charly na Nina bafite indirimbo nshya bise 'Uburyohe' yasohokanye n'amashusho mu gihe Marina nawe yakoranye indirimbo na Jay Polly bise 'Umusaraba wa Yoshuwa'.
UMVA HANO IKIGANIROTWAGIRANYE NA MARINA
Eng
RSS 
TANGA IGITECYEREZO