Irushanwa rya Miss Rwanda 2019 risigaje iminsi mbarwa ngo hamenyekane uzegukana ikamba. Kuri ubu abakobwa bamaze igihe mu cyiciro cyo gutora aho abanyarwanda bahaga amahirwe abakobwa bashyigikiye mu rwego rwo gutuma bakomeza bakazagera ku munsi wa nyuma w'irushanwa bagihatana.
Amatora yo guha amahirwe abakobwa bari muri Miss Rwanda 2019 yatangiye ku cyumweru tariki 20 Mutarama 2019, aha umukobwa wa mbere yarasezerewe, kugeza kuri ubu bane bamaze gusezererwa hasigaye umukobwa umwe uri busezererwe mu masaha macye ari imbere. Abakobwa bamaze gusezererwa ni; Hirwa Joally,Igihozo Darine,Umurungi Sandrine ndetse Tuyishimire Cyiza Vanessa.
Hasigaye umukobwa wa gatanu usezererwa mu irushanwa rya Miss Rwanda 2019 kuri uyu wa Kane tariki 24 Mutarama 2019. Amatora ya Miss Rwanda 2019 araba ahagaze saa kumi n'ebyiri z'umugoroba (18:00') nk'uko Inyarwanda.com ibikesha abategura irushanwa rya Miss Rwanda.
Tuyishimire Cyiza Vanessa niwe wabanjirije uwa nyuma gutaha...
Nyuma yo kumenya batanu basezerewe, kuri uyu munsi kandi haranatangwa amakamba arimo; Miss Heritage na Miss Congeniality mu gihe andi makamba yose arimo n'ikamba rya Miss Rwanda 2019 azatangwa ku munsi wa nyuma tariki 26 Mutarama 2019 i Rusororo muri Intare Conferance Arena.
Eng
RSS 
TANGA IGITECYEREZO