Kuri iki cyumweru tariki 23/12/2018 ni bwo habaye amarushanwa mu karere ka Kayonza hagamijwe guhitamo abakobwa bazahagararira iyi ntara muri Miss Rwanda 2019. Aya marushanwa yari indyankurye cyane ko aha ari ho hamaze kwitabira abakobwa benshi ugereranyije n’izindi ntara 3 zabanje.
Abakobwa 101 ni bo biyandikishije, gusa ku ikubitiro abakobwa 69 bahise babura amahirwe ntibemererwa kwigaragaza imbere y’akanama nkemurampaka ku mpamvu yo kutuzuza ibisabwa byose ku mukobwa ushaka kwitabira iri rushanwa. Ntibyari byoroshye na gato mu guhitamo abakobwa bakomeza mu cyiciro kizakurikiraho muri Miss Rwanda kuko ijonjora ryamaze amasaha arenga atanu abakobwa bahatwa ibibazo ngo bumvikanishe impamvu yatuma baba Miss Rwanda.
Nyuma yo kubazwa bose abagize amahirwe yo gukomeza mu cyiciro gikurikiyeho cy'iri rushanwa bahagarariye intara y'Iburasirazuba ni abakobwa icumi. Aba bose bakaba baganiriye na Inyarwanda.com badutangariza uko bakiriye gutsinda ndetse n'ibyo bagiye kongeramo imbaraga bityo bakabasha gutsinda mu byiciro bikurikiyeho. Icyakora abakobwa bose barushanyijwe i Kayonza icyo bahurizaho cyabagoye ni ubwoba bari bafite.
Abakobwa 10 batsindiye guhagararira intara y'Iburasirazuba muri Miss Rwanda 2019
REBA HANO ABAKOBWA BATSINDIYE GUHAGARARIRA INTARA Y'IBURASIRAZUBA;
Mutoni Queen Peace
Uwihirwe Yasipi Casimir
Murebwayire Irene
Mukunzi Teta Sonia
Igihozo Darine
Inyumba Charlotte
Bayera Nisha Keza
Mutesi Nadege
Higiro Joally
Mugwaneza Emelyne
REBA HANO IKIGANIRO TWAGIRANYE N'ABAKOBWA BATOREWE KUZAHAGARARIRA INTARA Y'IBURASIRAZUBA MU IRUSHANWA RYA MISS RWANDA 2019
Eng
RSS 
TANGA IGITECYEREZO