Umukirigitananga Munyakazi Deo yerekeje mu Bubiligi mu nama nyunguranabitekerezo Umunyamabanga Mukuru w’Umuryango w’Ibihugu bivuga ururimi rw’Igifaransa (OIF), Louise Mushikiwabo azatangamo ikiganiro.
Iki kiganiro cyitwa Colloquium 2019/ Culture for the Future kigamije kwiga ku guhanga udushya no gusangira ibitekerezo ku iterambere ry'Umuco muri rusange. cyateguwe n'igihugu cy’u Bubiligi butewe Inkunga n'Ibihugu by’ubumwe bw’i Burayi. Munyakazi Deo ni mwe mu bahanzi batumiwe bafite ubunararibonye.
Iki kiganiro kirabera mu Mujyi wa Bruxelles(Bozar) ku itariki 16-17 Kamena 2019.
Hitezwe umusaruro ukomeye uzavamo nyuma yo guhura n'abandi banyabugeni, impuguke mu by'umuco, abanyamategeko, abayobozi b'ibigo baturutse mu bihugu by'ubumwe bw'i Burayi n'abanyamuryango bayo ku isi basaga 400.
Iki kiganiro kitabiriwe n’abantu baturuka muri Afurika, Amerika, Asia, Uburayi ndetse no muri Pacific. Intego y’iki kiganiro ni ukungurana ibitekerezo bijyanye no gushyigikira umuco n'iterambere.
Hazatangwa ibiganiro bine byibanda ku ngingo zateguwe. Louise Mushikiwabo azahurira mu kiganiro na Pierluigi umuhanga mu bukungu unigisha muri kaminuza ya IULM. Iki kiganiro kizaba kiyobowe na Stefano Manservisi.
Deo Munyakazi yaherekejwe n'abo mu muryango we
Yahagurutse i Kigali kuri uyu wa 15 Kamena 2019
Eng
RSS 
TANGA IGITECYEREZO