Amajwi y’agateganyo yasohowe n’abategura irushanwa rya Miss Rwanda yagaragaje ko Mwiseneza Josiane ariwe uri imbere mu majwi y’abatoye bifashishije ubutumwa bugufi (Sms). Igikorwa cyo guha amahirwe umukobwa uguma mu irushanwa cyatangiye saa mbili z’ijoro, birasoza saa kumi n’ebyeri z’umugoroba , kuri iki cyumweru.
Harabura iminsi itandatu irushanwa rya Miss Rwanda 2019 rikagera ku musozo, ahazamenyekana umukobwa usimbura Iradukunda Liliane, Nyampinga w’u Rwanda 2018, mu birori bikomeye bizabera Intare Conference Arena, kuya 26 Mutarama 2019.
Mu ijoro ryakeye tariki 19 Mutarama 2019, ku isaha ya saa mbili z’ijoro nibwo hatangiye igikorwa cyo guha amahirwe umukobwa uguma mu bahatanira kuba Nyampinga w’u Rwanda 2019. Bikorwa hifashishijwe telefone ngendanwa, aho utora yandika ijambo ‘Miss’ ahandikirwa ubutumwa bugufi agakurikizaho nimero y’umukobwa aha amahirwe ubundi akohereza kuri 7333. Abari hanze y'u Rwanda bihereza kuri +2507333.
Josiane arayoboye mu majwi y'agateganyo.
Abategura irushanwa rya Miss Rwanda, babinyujije ku mbuga nkoranyambaga z’irushanwa, bashyizeho uko abakobwa barushanyijwe mu majwi y’agateganyo y’abatoye binyuze kuri ‘SMS’. Bagize bati “Twishimiye gutangaza amajwi y’agateganyo yavuye mu batoye binyuze ku butumwa buguti (Sms). Miss Mwiseneza Josiane ni we uri imbere aho afite amajwi arenga 5 000. Gutora birarangira uyu munsi saa kumi n’ebyeri z’umugoroba(18h:00’) kuri iki cyumweru.”
Aya majwi yagaragaje ko Mwiseneza Josiane afite 5283, uwa kabiri ni Bayera Nisha Keza ufite 1,983, uwa Gatatu ni Mutoni Oliver ufite 1,377, uwa Kane ni Tuyishimire Cyiza Vanessa ufite 824, uwa nyuma muri aya majwi y’agateganyo ni Uwihirwe Yassipi Cassmir ufite 17.
Kuva kuri iki Cyumweru, umukobwa umwe aratangira
gusezererwa muri iri rushanwa kugeza ku wa kane w’iki cyumweru tugiye
gutangira, aho abakobwa 15 aribo bazagera ku munsi wa nyuma w’iri rushanwa.
Biteganyijwe ko mu Ijoro ryo ku wa kane w’icyumweru kiri imbere, hazamenyekana
abakobwa batwaye amakamba atandukanye muri iri rushanwa.
AMAFOTO:
Amajwi y'agateganyo.
Mwiseneza uri ku mwanya wa mbere.
Bayera uri ku mwanya wa kabari.
Oliver uri ku mwanya wa Gatatu.
Vanessa ku mwanya wa kane.
Uwihirwe Yassip uri ku mwanya wa nyuma w'irushanwa.
Eng
RSS 
TANGA IGITECYEREZO