Rwangabo Byusa Nelson w’imyaka 21 wahisemo gukoresha mu muziki izina rya Nel Ngabo, yashyize ahagaragara indirimbo nshya yise ‘Nzahinduka’ yasohokanye n’amashusho yayo yafatiwe i Mombasa mu gihugu cya Kenya.
Nel Ngabo ni umwe mu bahanzi bari mu maboko y’inzu ireberera inyungu z’abahanzi ya Kina Music bafitanye amasezerano y’imikoranire. Kuri uyu wa Mbere tariki 17 Kamena 2019 ni bwo yashyize hanze iyi ndirimbo ‘Nzahinduka’ y’iminota itatu n’amasegonda 41’ yumvikanamo ibicurangisho byizihiye ingoma z’amatwi.
Mu gihe imaze ku rubuga rwa Youtube imaze kurebwa n’abantu barenga ibihumbi bine. Nel Ngabo yatangarije INYARWANDA, ko ubutumwa yakubiye muri iyi ndirimo ‘Nzahinduka’ ari ibintu bisanzwe bibaho muri sosiyete aho umusore ahemukira umukunzi we akaza kubona ko ari uw’agaciro akamusaba imbabazi.
Yavuze ko bigera aho umusore yiyemeza kuva mu ngeso mbi n’ibindi yakoraga bikomeretsa umutima akiyemeza guhinduka agakundwakaza umukunzi we akamutera ishema ryo kwitwa we.
Yagize ati “Ni ubutumwa bwo guhinduka mu gihe uri mu
rukundo wenda utitwaraga neza ukemera guhinduka kugira ngo udakomeza kubabaza
uwo mukundana. Ni ibintu bisanzwe bibaho muri sosiyete hari igihe umuntu
yayumva akumva n’ibyo bihe arimo ikamufasha kwitekerezaho agahinduka.”
Nel Ngabo yashyize ahagaragara indirimbo yise 'Nzahinduka'
Amajwi y’iyi ndirimbo ‘Nzahinduka’ yakozwe na Ishimwe Karake Clement muri Kina Music. Amashusho yafashwe na Pose Films atunganywa na Meddy Saleh uzobereye mu guhuza amashusho anogeye ijisho. Uyu mukobwa ugaragara mu mashusho y’indirimbo ‘Nzahinduka’ ni umunya-Kenyakazi akoresha amazina ya _just_maryam ku rubuga rwa instagram.
Isura yanagaragaye mu mashusho y’indirimbo y’umuhanzi witwa Willy Paul. Uyu mukobwa kandi ni umwe mu bakinnyi b’Imena bazagaragara mu mashusho y’indirimbo y’umuhanzi Ommy Dimpoz yitegura gushyira hanze muri iki cyumweru.
KANDA HANO UREBE AMASHUSHO Y'INDIRIMBO 'NZAHINDUKA' YA NEL NGABO
Eng
RSS 
Nel Ngabo
TANGA IGITECYEREZO