Ruth Nirere Shanel ufatanya umuziki no gukina filime, yemeje gutaramira mu Mujyi wa Kigali mu iserukiramuco ‘Isaano Arts Festival’ ryateguwe na Positive Production azahuriramo n’abandi bahanzi batandukanye.
Iserukiramuco rigiye kumara iminsi ine ribera i Kigali, ni uguhera mu ijoro ry’uyu wa kane kugeza ku wa mbere w’icyumweru kiri imbere (tariki 14-18 Gashyantare 2019).
Hazerekanirwamo umuziki w’umwimerere, imbyino, ubuvanganzo, imideri, urwenya n’ibindi. Kizagaragaramo abarimo Icenova, Gael Faye, Nelson Gahima, Amalon, Yannick Kamanzi, Mutumani, Rene, Tuyisenge Umusizi, Cubaka, Michael Makembe n’abandi.
Mu butumwa Miss Shanel yanyujije kuri instagram, yemeje gutaramira i Kigali, kuri uyu wa Gatandatu. Yagize ati “Muraho ab’i Kigali nshuti zanjye n’abafana banjye. Niteguye kubaririmba mu gitaramo cyo kuri uyu wa 16 Gashyantare 2019 kizabera Kigali Conference and Exhibition Village ahazwi nka Camp Kigali (KCEV).”
Gutangira ni buri saa kumi n'ebyiri kugeza saa yine z’ijoro
(6-10pm). Miss Shanel ubarizwa mu Bufaransa watumiwe afite indirimbo nyinshi zakunzwe nka:
‘Ndarota’ yakunzwe by’ikirenga, ‘Ndagukunda byahebuje’, ‘Nakutaka’, ‘Ubufindo’
n’izindi nyinshi.
Eng
RSS 
Igitaramo Nirere Shanel azaririmbamo.
TANGA IGITECYEREZO