Aya makuru mashya amenyekanye nyuma y’uko umutinganyi w’ikimenyabose wo muri Afrika y'Epfo Lasizwe yemeje ko ari mu rukundo na Cedric, umusore bivugwa ko akundana na Zari wahoze ari umugore wa Diamond.
Lasizwe usanzwe ari umutinganyi yahishuye ko ari mu rukundo n'umukunzi wa Zari
Mu masaha macye yashize umutinganyi w’ikimenyabose ku mbuga nkoranyambaga utuye muri Afrika y'Epfo, Lasizwe yatangaje ko ari mu rukundo n’umusore bivugwa ko akundana na Zari Hassan w’abana 5 barimo 2 ba Diamond na 3 yabyaranye na Ivan Semwanga.
Lasizwe ukurikiranwa n’abantu ibihumbi magana atandatu na mirongo itandatu na bitandatu (666k) ku rubuga rwe rwa instagram, anyuze kuri uru rubuga yashyizeho ifoto ari kumwe na Cedric bivugwa ko ari mu rukundo na Zari arangije ayiherekeza amagambo agaragaza ko bombi bari mu munyenga w'urukundo rugiye kubyara ikintu gikomeye.
Yanditse agira ati” Birenze imibonano mpuzabitsina, wafora iby'urukundo rwacu? Witeguye amahiganwa? Turi hafi kugera ku kintu”. Yakomeje yandika amagambo agaragaza ko yiteguye kwinjira mu ihiganwa k'uwifuza guhangana nawe ku mukunzi we.
N'ubwo nta makuru y’impamo agaragaza ko koko uyu mukunzi we Cedric akundana na Zari, birasa n'aho ari we yishongoragaho amubwira ko yiteguye guhangana nawe ku buryo bitazamworohera kumutwara Cedric. Kugeza magingo aya Zari ntacyo aravuga kuri iyi nkuru.
Nyuma yo gutandukana na Diomond, Zari yavuzweho kuba mu rukundo n’umugabo usanzwe ureberera inyungu ze mu bikorwa bya muzika na Cedric bivugwa ko bari kumwe ubu.
Zari utaragira icyo atangaza kuri iyi nkuru
Eng
RSS 
TANGA IGITECYEREZO